ຕົວຂ້ອຍເອງໃຊ້ເຄືອຂ່າຍຂອງລະບົບ 3+2=5 ມື້ນັ້ນຈະຫຼິ້ນອີນເຕີເນັດທາງມືຖື ກໍເລີຍສະມັກແພັກເກັດໄປ ຂ້ອຍໃຊ້ແພັກເກັດໂຕ 25,000 ພັນກີບ/2 ອາທິດ ຈະໄດ້ 200MB. ຫຼັງຈາກຂ້ອຍສະມັກແລ້ວ ກໍມີຂໍ້ຄວາມເຂົ້າມາວ່າຂ້ອຍສະມັກແພັກເກັດໄດ້ແລ້ວ ແລະກໍມີຂໍ້ຄວາມເຂົ້າມາອີກສະບັບນຶ່ງບອກວ່າຂ້ອຍໄດ້ຫຼີ້ນເນັດຟຮີ 7890MB ແຕ່ຂ້ອຍກວດເບີ່ງໃນໂທລະສັບກໍບໍ່ເຫັນວ່າຈະມີຟຣີຫຍັງເລີຍ.

ຕອນນັ້ນຂ້ອຍຕ້ອງການທີ່ຈະຫຼິ້ນເນັດຫຼາຍ ກໍເລີຍຄິດວ່າມັນໜ້າຈະບໍ່ມີບັນຫາຫຍັງ ເພາະວ່າຂ້ອຍສະມັກແພັກເກັດແລ້ວແຕ່ຍັງບໍ່ທັນເຂົ້າຊື່ໆ ຖ້າຂ້ອຍຫຼິ້ນເນັດຕ່ອນນີ້ກະຄືຊິບໍ່ເສຍເງິນຫຍັງ ຂ້ອຍກໍເລີ່ມຫຼີ້ນເລີຍ… ແລ້ວມັນໄປຕັດຄ່າໂທຂອງຂ້ອຍ… ເອົ້າ! ແມ່ນຫຍັງລະເປັນຈັງຊີ ເປັນບ້າແລ້ວບໍ? ຂ້ອຍກະເລີຍໂທເຂົ້າຫາສູນເພື່ອທີ່ຈະຖາມ…

ໂທແລ້ວໂທອີກກໍບໍ່ພາກັນມາຮັບຈັກເທື່ອ ເປັນແບບນີ້ປະຈຳຂອງລະບົບນີ້  ແຕ່ຂ້ອຍກໍພະຍາຍາມໂທຈົນຕິດ! (ພີ່ນ້ອງເອີຍ! ຕັ້ງໂພດຕັ້ງເຫຼືອ ພາກັນໄປທາງໃດ ສົງໃສຈະຂີ້ຄ້ານຮັບໂທລະສັບແລ້ວເນາະ ວ່າບໍ່?) ຫຼັງຈາກພະນັກງານຮັບໂທລະສັບແລ້ວ (ເປັນຜູ້ຍິງຮັບ):

ພະນັກງານ: ເຈົ້າສະບາຍດີ (ລາວບອກຊື່ຂອງລາວ) ຮັບສາຍ

ຂ້ອຍ: ເຈົ້າສະບາຍດີ ຢາກຈະຖາມວ່າ ນ້ອງສະມັກແພັກເກັດແລ້ວເປັນຫຍັງຍັງບໍ່ໄດ້ປານນີ້? ແລ້ວເວລານ້ອງຫຼີ້ນເນັດມັນກໍຕັດຄ່າໂທນ້ອງພ້ອມເອື້ອຍ

ພະນັກງານ: ນ້ອງສະມັກແພັກເກັດຫຍັງລະ?

ຂ້ອຍ: ໂຕ 25,000 ພັນກີບເອື້ອຍ

ພະນັກງານ: ນ້ອງຖືສາຍຖ້າບຶດນຶ່ງເດີ ດຽວຈະກວດສອບໃຫ້  (ຂ້ອຍຖ້າດົນເຕີບມິດຈີ່ລີ່ຢູ່ ບາດພະນັກງານຮັບສາຍເຂົ້າມາອາໂຫຼ ຂ້ອຍຈົນຕົກໃຈເດີພີ່ນ້ອງ)

ແລ້ວພະນັກງານຄົນນີ້ເວົ້າວ່າ:

ພະນັກງານ: ຖ້າບຶດນຶ່ງເດີ (ເບິ່ງແມ້…. ຍັງຊິໃຫ້ຂ້ອຍຖ້າອີກ ໂພດຫຼາຍສູນບໍລິການນິ ເຮັດຄືຂ້ອຍບໍ່ມີວຽກບໍ່ມີງານນິ ຢາກໃຫ້ຖ້າທໍ່ໃດກະໃຫ້ຖ້າ ບໍ່ໄດ້ເລື່ອງເລີຍ) ພະນັກງານຝອຍຕໍ່…

ພະນັກງານ: ດຽວຈັກນ້ອຍຈະມີທີມງານເຮົາໂທໄປຫານ້ອງເດີ ຂອບໃຈທີ່ໃຊ້ບໍລິການ ແລ້ວກໍວາງສາຍໄປເລີຍ…

ຂ້ອຍກໍນັງຖ້າດົນເຕີບກະຍັງບໍ່ໂທມາ ຂ້ອຍລະເມືອຍນຳບາດ ກິນເງີນຄ່າໃຊ້ບໍລິການລະກິນໄວໆ ຫຼັງຈາກນັ້ນກໍມີພະນັກງານຊາຍໂທເຂົ້າມາ

ພະນັກງານຊາຍ: ເຈົ້າສະບາຍດີໂທມາຈາກ… ເດີ! ນ້ອງມີບັນຫາຂອງແພັກເກັດບໍ?

ຂ້ອຍ: ເຈົ້າ ແມ່ນແລ້ວ…

ພະນັກງານຊາຍ: ອ້າຍຢາກໃຫ້ນ້ອງຫຼີ້ນເນັດຕອນນີ້ເລີຍເດີດຽວອ້າຍຊີກວດເບີ່ງໃຫ້

ຂ້ອຍ: ຖ້ານ້ອງຫຼີ້ນມັນກໍຕັດເງີນຄ່າໂທນ້ອງເລີຍໄດອ້າຍ

ພະນັກງານຊາຍ: ບໍ່ເປັນຫຍັງນ້ອງຫຼິ້ນໂລດອ້າຍຊິເບິ່ງດຽວນີ້ເດີ… (ແລ້ວກໍວ່າງສາຍບັກໄວໆໆໆເລີຍ ເປັນຕາຫນ່າຍຫຼາຍເດີ)

ຫຼັງຈາກນັ້ນຂ້ອຍກໍຫຼິ້ນເນັດຈົນເງິນເກືອບໝົດ ແລ້ວຂ້ອຍກໍໂທໄປຫາສູນອີກ ຄົນເກົ່າຮັບສາຍອິກ ຂ້ອຍກໍຖາມລາວວ່າ:

ຂ້ອຍ: ເອົ້າ! ເອື້ອຍ ເງີນກໍຊິໝົດແລ້ວ ແພັກເກັດກະຍັງບໍ່ໄດ້ປານນີ້ ມັນເປັນຫຍັງເອື້ອຍ?

ພະນັກງານຍີງ: ນ້ອງໄດ້ຫຼິ້ນໝົດລະເດ້ (ພັດວ່າຊັ້ນ!)

ຂ້ອຍ: ເອົ້າ! ແນວອ້າຍທີມງານຄົນນັ້ນບອກໃຫ້ນ້ອງຫຼິ້ນໄປໂລດເດ (ຊ່າງພາກັນເຮັດເນາະ)

ພະນັກງານຍິງ: ເອົ້າ ແນວນ້ອງລະຫາກຫຼິ້ນບໍ່ຢຸດເອງ ມັນກະໝົດຫັ້ນແຫລະ

ຂ້ອຍ: ແລ້ວແພັກເກັດນ້ອງຄືບໍ່ໄດ້ຊັ້ນນະ? ເງິນກະເສຍອີກ

ພະນັກງານຍິງ: ມັນໄດ້ແລ້ວນ້ອງ ແຕ່ຫາກນ້ອງຫຼິ້ນໝົດເອງນະ ເບີນ້ອງກໍບໍ່ມີບັນຫາຫຍັງ

ຂ້ອຍ: ແລ້ວໂຕທີ່ບອກວ່າໃຫ້ນ້ອງຫຼິ້ນຟຣີມັນຄືບໍ່ມີຊັ້ນນະ?

ພະນັກງານຍິງ: ບໍ່ນ່າ! ບໍ່ມີໃຫ້ຫຼີນຟຣີໃດນ້ອງ

ຂ້ອຍ: ບໍ່ມີຈັງໃດ ສູນສົງຂໍ້ຄວາມມາວ່າຫຼິ້ນຟຣີ 7890MBເດ້ ສົ່ງມາເຮັດຫຍັງຊັ້ນນະ?

ພະນັກງານຍິງ: ບໍ່ມີເດີນ້ອງມັນບໍ່ມີ… ເຂົ້າໃຈບໍ່ວ່ານ້ອງຫາກຫຼິ້ນບໍ່ຢຸດເອງ

ພະນັກງານຖຽງກັບລູກຄ້າ ເປັນຕາອາຍຂະໜາດສູນບໍລິການລະບົບນີ້ ເວົ້າຄືວ່າລະບົບເພິ່ນຈະບໍ່ມີບັນຫາຫຍັງຈັກຢ່າງນິແຫລະ ຈົນຂ້ອຍຕ້ອງຍອມແພ້ເລີຍແລ້ວກະຂໍວາງສາຍໄປ

ເມື່ອໂທໄປແລ້ວ ພະນັກງານຮັບສາຍເປັນຜູ້ຊາຍ ເວົ້າກັບລູກຄ້າກໍບໍ່ມ່ວນຕັ້ງແຕ່ຮັບສາຍລະເດະ!! ຂ້ອຍກໍບໍ່ໄດ້ຄິດຫຍັງຫລາຍທຳອິດ (ແບບອົດທົນໄວ້ກ່ອນ 555+) ລະລາວກໍຖາມຂ້ອຍວ່າ “ID ຂອງໝູ່ເຈົ້າແມ່ນຫຍັງ?!”, ທຳອິດຂ້ອຍກໍ່ບໍ່ເຂົ້າໃຈ ລາວຖາມຫາ IP ບໍ່?! ຫລືຈັ່ງໃດ!! ຂ້ອຍກໍເລີຍຖາມແບບບໍ່ຮູ້ໄປວ່າ “ຢູ່ນຳຂ້ອຍມີແຕ່ PW ກັບ IP ທີ່ລາວບອກຫັນ ລະ ID ມັນແມ່ນຫຍັງ?!” ຂ້ອຍກໍຖາມລາວໄປຄືນ, ​ລາວພັດຕອບຂ້ອຍມາວ່າ “ກໍຍັງວ່າ ID ID” ແລ້ວລາວກໍວາງສາຍໃສ່ຂ້ອຍໄປເລີຍ.

ຂ້ອຍກໍ່ບໍ່ຄິດຫຍັງຫລາຍ ກໍ່ຄືຈະແມ່ນສາຍຫລຸດ ແຕ່ເມື່ອໂທໄປອີກລາວໄດ້ຍິນສຽງຂ້ອຍແລ້ວລາວກໍວາງເລີຍ ແລ້ວຂ້ອຍກໍ່ໂທໄປອີກ ແລ້ວກໍ່ບໍ່ມີຄົນຮັບ!!

ຂໍຖາມແນ່ ນີ້ແມ່ນການບໍລິການຫລັງການຂາຍຂອງເພິ່ນບໍ່ ທີ່ລູກຄ້າຕ້ອງຮູ້ໝົດທຸກຢ່າງ!!

ປ.ລ ຂ້ອຍຢາກຮູ້ວ່າ ID ຂອງເພິ່ນແມ່ນຫຍັງ ອະທິບາຍໃຫ້ຂ້ອຍແນ່ໄດ້ບໍ່ ໃຜທີ່ຮູ້ນະ!! ເພາະວ່າຕາມທີ່ເຄີຍໃຊ້ອິນເຕີເນັດມາ ຖ້າເນັດມີບັນຫາ ເພິ່ນຈະກວດ IP ຫຼືເບີໃຫ້ບໍ່ແມ່ນຫວາ?!!!

………ແບບນີ້ກໍມີ

ກ່ອນສະໝັກກໍເຕີມເງິນໄປ 70 ພັນກີບ ແລ້ວກໍຈັດການສະໝັກແພັກເກັດ ຫຼັງຈາກເຮັດຕາມຂັ້ນຕອນຈົນຈົບ ເວລາກວດເບິ່ງຈຳນວນນຳໃຊ້ ໂອ້… ພະເຈົ້າ ມັນຄືໄດ້ແຕ່ 1.5GB (ແລ້ວທີ່ມັນໂຄສະນາວ່າແພັກເກັດເປັນອາທິດໄດ້ 2.5GB …ເພື່ອ?? ) ແຖມເງິນຍັງເຫຼືອໃນບັນຊີຕັ້ງ 30 ພັນກີບ ກໍລີຍໂທເຂົ້າໄປ 109
ເນື້ອໃນການສົນທະນາມີຢູ່ວ່າ:

T: ເອີ່…ຂໍຖາມແດ່ເນາະວ່າແພັກເກັດສາມຈີລາຍອາທິດນິ ເວລາສະໝັກແລ້ວໄດ້ຈຳນວນນຳໃຊ້ເທົ່າໃດ?
C: ດຽວນ້ອງເບິ່ງໃຫ້ ຖືສາຍຖ້າບຶດນຶ່ງກ່ອນເນາະອ້າຍ
ເວລາຜ່ານໄປພຽງອຶດໃຈດຽວ (ແຕ່ມັນກະດົນໜ້ອຍນຶ່ງ)…
C: ແພັກເກັດສາມຈີລາຍອາທິດແມ່ນໄດ້ໃຊ້ຟຣີ 2.5GB ເນາະອ້າຍ
T: ອ້າວແມ່ນຫວາ ຂ້ອຍສະໝັກຄືວ່າໄດ້ແຕ່ 1.5GB ແຖມເງິນຍັງເຫຼືອຢູ່ໃນບັນຊີອີກ 30ພັນ
C: ອ້າຍສະໝັກມື້ໃດນະອ້າຍ?
T: ສະໝັກປະມານວັນພະຫັດນິລະຖ້າຈື່ບໍ່ຜິດ
C: ເບີສາມຈີອ້າຍເບີຫຍັງເນາະດຽວນ້ອງຊິກວດເບິ່ງໃຫ້
T: 9xxxxxxx
C: ອ້າຍສະໝັກວັນພະຫັດເນາະ
T: ອືມ.. ແຕ່ວ່າມັນຄືໄດ້ແຕ່ 1.5ກິກຊັ້ນນະ
C: ຖືສາຍຖ້າບຶດນຶ່ງເນາະອ້າຍ
(ແລະເພິ່ນກໍອອກໄປລົມກັນທາງຫຼັງແຕ່ແຮງເຕີບຈົນໄດ້ຍິນ ແລ້ວກໍກັບມາຕອບ)
C: ຄືວ່າອ້າຍສະໝັກກາງອາທິດລະບົບກໍເລີຍໃຫ້ໄດ້ແຕ່ 1.5GB ບໍ່ແມ່ນວ່າສະໝັກມື້ໃດກໍໄດ້ພາຍໃນ 1 ອາທິດແລ້ວຈະໄດ້ເຕັມຕາມຈຳນວນ ອ້າຍຕ້ອງສະໝັກວັນຈັນຂອງອາທິດນັ້ນໆຈິ່ງໄດ້ເຕັມຈຳນວນເນາະອ້າຍ
*(o.O ອຶ້ງກັບຄຳຕອບຫຼາຍເຕີບ)ແລ້ວກໍວ່າຄືນໄປ
T: ເອີ່…ຄືບໍ່ເຫັນໃຜບອກຂ້ອຍເລື່ອງນີ້ແດ່ຊັ້ນນະ ເລື່ອງຕ້ອງສະໝັກວັນຈັນຈິ່ງໄດ້ເຕັມຈຳນວນ
C: ພວກຢູ່ເຄົາເຕີ້ບໍ່ໄດ້ບອກອ້າຍຫວາ?
T: ບໍ່ມີໃຜບອກຂ້ອຍເລີຍຈັກຄົນ ຂ້ອຍໄປຊື້ກໍມີແຕ່ເອົາເບີໃຫ້ແລ້ວກໍພາກັນມິດ, ມັນບໍ່ແມ່ນແຕ່ເທົ່ານັ້ນເນາະ ແພັກເກັດອື່ນກໍເປັນຄືກັນ ຂ້ອຍສະໝັກໂຕລາຍເດືອນສອງແສນກີບກໍໄດ້ບໍ່ຄົບຄືກັນ (ກໍເລີຍສວນກັບໄປ) ຂໍແນະນຳແດ່ຈັກໜ່ອຍເນາະ ຖ້າວ່າບໍ່ບອກລູກຄ້າແບບນີ້ ເວລາລູກຄ້າຄົນອື່ນສະໝັກແລ້ວໄດ້ບໍ່ເຕັມ ເຂົາເຈົ້າກໍຊິຖາມວ່າ ແລ້ວເປັນຫຍັງທີ່ໂຄສະນາໄປວ່າໄດ້ເທົ່ານັ້ນເທົ່ານີ້ ບາດສະໝັກໄປແລ້ວບໍ່ໄດ້ຕາທີ່ໂຄສະນາ ຖ້າພະນັກງານບໍ່ບອກແລ້ວໃຜຈະຮູ້ວ່າຕ້ອງສະໝັກທຸກໆວັນຈັນຂອງແຕ່ລະອາທິດ ຫຼືວ່າ ຕ້ອງສະໝັກທຸກໆຕົ້ນເດືອນ ຈິ່ງໄດ້ເຕັມຈຳນວນ ອັນນີ້ຂໍໃຫ້ກັບໄປລວມກັນໃໝ່ເລື່ອງນີ້ແດ່ເນາະ
C: ເຈົ້າໆ ຂອບໃຈຫຼາຍໆເດີອ້າຍ

ກວ່າຖືກໂກງ ແລະມັນເປັນຫລາຍໆຄັ້ງຈິງຕ້ອງໄດ້ລະບາຍແລະລາຍງານໃຫ້ຮັບຮູ້

ຈຸດເລີ່ມ: ມັນມີຢູ່ວ່າມື້ໜື່ງທາງສູນໄດ້ສັ່ງຂໍ້ຄວາມໂປຣໂມຣຊັ່ນ ສຸດພິດເສດໃຫ້ແກ່ບັນດາລູກຄ້າທີ່ຮັກແພງວ່າ ມີບໍລິການທີ່ຕ້ອງໄດ້ເສຍຄາທຳນຽມມື້ລະ 99 ກີບ ເພື່ອລຸ້ນເງີນມູນຄ່າໂທອັນສຸດຫລາຍ ແລະ ເສື້ອ ຍືດທີ່ມີສະໄຕຣ ແລະ ອື່ນໆ ແລ້ວແຕ່ສູນຊິແຈກ
ໂອ້ຄຸ້ມເວີຍ ບໍ່ລົມຍາວສະມັກ ພິມ sokdee ແລະ ສົ່ງໄປ 8888 ແລະໄດ້ຂໍ້ຄວາມວ່າ Thank you ອັນສຸດຊື້ງຈາກທາງສູນ
ຈົນຕໍ່ມາຮູ້ສຶກລຳຄານກັບການບໍ່ Win ຂອງລາງວັນເລີຍຈັກອັນ ແລະຕ້ອງເສຍເງີນ 99 ກີບທຸກມື້ ຈຶງຄິດວ່າເຊົາໃຊ້ບໍລິການດີກ່ວາ…..ໂດຍພິດ Der ໄປທີ່ 8888
ຕອບມາຄັກແນ່ວ່າທານໄດ້ຍຸດໃຊ້ບໍລິການເປັນທີ່ຮຽບຮ້ອຍແລ້ວ ເປັນພາສາປະກິດ ເຍ້່ມັນຊິບໍ່ໄດ້ກິນເງີນເຮົາອີກຕໍ່ໄປ….ຈົນຜ່ານໄປຫລາຍຈົນສັງເກດເຫັນວ່າເງີນມັນຄືຫລຸດໆ ລົງເລື້ອຍໆຫວະກະບໍ່ໄດ້ໂທຣໄປໃສນາ
ຕິດຕາມຈົນຮູ້ວ່າມັນຍັງກິນເງີນເຮົາຢູ່ເລີຍຕ້ອງໂທຫາສູນຢ່າງດ່ວນ
call center: ສະບາຍດີ ນາງສົມມຸດ ຮັບສາຍມີຫຍັງໃຫ້ຊວຍເນາະ
me: ເອື້ອຍ(ບໍ່ຮູ້ອາຍຸເອີ້ນເອື້ອຍໄວ້ກ່ອນ)ຢາກຮູ້ວ່າໂທລະສັບນ້ອງນິໃຊ້ບໍລິການອີຫຍັງແດ່ເນາະມັນຄືວ່າມາຕັດເງີນນ້ອງດຸແທ້

(more…)

ເລື່ອງມັນເກີດວານນີ້ ວັນທີ 3.3.2010 ຫຼັງຈາກທີ່ຮູ້ວ່າເພິ່ນອັບຄວາມໄວເນັດຂຶ້ນຮອດ 14 ເມັກ (ລວງຕາ) ເຮົາກໍເລີຍລອງສະປີດຈັກບາດ ແຕ່..ໂອ້ວ ພະເຈົ້າ ມັນຊ່າງເທບ ຄວາມໄວບໍ່ຮອດເມັກ!! ເຮົາກໍເລີຍໂທໄປ 131 ບົດສົນທະນາມີຢູ່ວ່າ:

T: ຂໍຖາມແນ່ເນາະ ເປັນຫຍັງເນັດ HSPA ຄືວ່າມາຊ້າແທ້ ຂ້ອຍລອງສປີດ ໄດ້ບໍ່ຮອດເມັກ

131: ໂອ່..ແມ່ນຫວາອ້າຍ, ຄືວ່າເພິ່ນອັບເກຣດເປັນ 14 ເມັກລະໃດ໋ອ້າຍ

T: ແມ່ນຫວາ, ຊັ້ນຄວາມໄວຄືບໍ່ໄດ້ຮອດເມັກຊັ້ນນະ

131: ອືມມ…ເນັດໂຕນີ້ມັນເປັນແບບ share ນະອ້າຍ ມັນຈະແບ່ງຕາມຈຳນວນຄົນທີ່ໃຊ້ໃນເຂດນັ້ນໆ ທີ່ກຳລັງໃຊ້ຢູ່

T: ແລ້ວເຂດທີ່ຂ້ອຍຢູ່ມີຄົນໃຊ້ຈັກຄົນ??

131:………(ມິດໄປດົນເຕີບ) ອ້າຍຢາກຮູ້ດຽວນ້ອງຈະຖາມຫົວໜ້າໃຫ້

T: ໄດ້ ຖາມໃຫ້ແດ່

131:…… (ມິດໄປດົນເຕີບ)

T: ຊັ້ນກະຂໍໃຫ້ຄຳເຫັນແນ່ຈັກໜ້ອຍນຶ່ງເນາະ, ກ່ອນໜ້ານີ້ ທີ່ໂຄສະນາວ່າໄດ້ 7 ເມັກ ແຕ່ໃຊ້ແທ້ໆ ໄດ້ປະມານ 1 ເມັກ ຫາ 2 ເມັກ ເພິ່ນກໍເກັບຄ່າບໍລິການ 340,000 ແຕ່ວ່າ ເວລາເພີ່ມຄວາມໄວເປັນ 14 ເມັກ ແຕ່ໃຊ້ແທ້ໆ ໄດ້ບໍ່ຮອດເມັກ ແນວນີ້ສົມຄວນທີ່ຈະຂຶ້ນຄ່າບໍລິການ 6 ແສນ ອັນນີ້ສົມຄວນຂຶ້ນບໍ? ຄວາມໄວເນັດຊ້າກ່ອນໂຕເກົ່າ ແຕ່ເກັບຄ່າບໍລິການສູງຂຶ້ນ ອັນນີ້ສົມຄວນຂຶ້ນຫຼືບໍ່ ລອງໄປປຶກສາກັນໃໝ່ເບິ່ງເນາະ.

131: ເຈົ້າ (ຄຳດຽວສັ້ນໆ)

T: ເອີ່…ມີອີກຢ່າງນຶ່ງ ທີ່ວ່າເພີ່ມຄວາມໄວເປັນ 14 ເມັກນິ ແລ້ວວັນທີ 1 ເດືອນ 3 ໃດ໋ເນາະ?

131: ເຈົ້າແມ່ນແລ້ວ

T: ອືມມ ຄືວ່າແນວນີ້ ມື້ທຳອິດທີ່ລອງສະປີດເນັດຫວ່າງສວາຍ ຄວາມໄວຂຶ້ນຮອດ 3.59 ເມັກ ແຕ່ວ່າ ຕອນແລງມາ ຄວາມໄວໄດ້ແຕ່ ເມັກປາຍ ຫາ ສອງເມັກ, ບາດຮອດຕອນເດິກໆມານິ ໄດ້ບໍ່ຮອດເມັກ, ອັນນີ້ເປັນນຳຫຍັງນໍ້?

131: ໂອ…ແມ່ນຫວາອ້າຍ, ຊັ້ນດຽວນ້ອງຈະໄປສອບຖາມນຳພາກສ່ວນກ່ຽວຂ້ອງກ່ອນເນາະ ແລ້ວນ້ອງຈະຕິດຕໍ່ກັບຫາອ້າຍໃໝ່ ເບີອ້າຍເບີຫຍັງເນາະ ເບີທີ່ຕິດຕໍ່ຫາໄດ້

T: (ແລ້ວກໍບອກເບີໄປ) ແລ້ວຈະຖ້າຟັງຄຳຕອບເນາະ.

131: ເຈົ້າ ຂອບໃຈທີ່ໃຊ້ບໍລິການ

..ເວລາຜ່ານໄປ 1 ຊົ່ວໂມງກະຍັງບໍ່ໂທກັບ ຈັນຮອດມື້ນີ້ຍັງມິດຈີ່ຫຼີ່ ແຖມເນັດກະຊ້າລົງ ຊ້າລົງ

ເຮີ່…ເນັດ 14 ເມັກ

(to be continued)

- T

ເລື່ອງມີຢູ່ວ່າ: ວັນທີ 3/3/2010 ເວລາ 3 ໂມງສວາຍ ຂ້ອຍຕ້ອງການອັບສະປີດ ADSL ຈາກ 256 ເປັນ 512 ກໍໄປສູນນ້ຳພຸ ຂໍເພີ່ມ + ຈ່າຍເງິນ ແລ້ວລະ ເຂົາບອກ ອີກ 1 ຊົ່ວໂມງໄດ້

- ກັບມາບ້ານ ພໍຮອດ 4:30 PM ກໍ່ລອງ ຕໍ່ເນັດເບິ່ງ ກໍຍັງ 256 -*- ໂທຫາ 131 ເຂົາຖາມ ເບີເທົ່າໃດນໍ້ ກ່ອນຫນ້ານັ້ນໃຊ້ເທົ່າໃດ ເພີ່ມເທົ່າໃດ ດຽວຈະກວດເບິ່ງຄືນ

-5:00 PM ຕໍ່ໃຫມ່ກໍຍັງ 256 ກໍເລີຍໂທ 131 ເຂົາວ່າ ເພີ່ມເປັນເທົ່າໃດ ເບີໃດ ຈະພົວພັນຝ່າຍເຕັກນິກໃຫ້

-5:30 PM ກໍຍັງ 256 ເລີຍໂທ 131 ເຂົາຖາມຊ້ຳ ເບີໃດອ້າຍ ເພີ່ມເປັນ 512 ຫວາ ສົງໃສ ເອກະສານຍັງບໍ່ຮອດຝ່າຍເຕັກນິກ ຢ້ານເຂົາລວມນະອ້າຍ ເອົາເປັນ ນ້ອງຈະຮັບເລື່ອງໄວ້ເປັນພິເສດ ມື້ອື່ນ ຈະຈັດການໃຫ້

- ວັນທີ 4/3/2010 ເວລາ 10:00 AM ລອງຕໍ່ເນັດໃຫມ່ ກໍຍັງ 256 -*-

- 11:00 AM ໂທຫາ 131 ບອກເຂົາ ຂ້ອຍຢາກແຈ້ງເລື່ອງ ເພີ່ມຄວາມໄວນະ ຍັງບໍ່ໄດ້ປານນີ້ ເຂົາຖາມວ່າ ເບີໃດອ້າຍ ເພີ່ມເປັນເທົ່າໃດ 512 ຫວາ ມັນກໍໄດ້ແລ້ວໃດ, ຂ້ອຍຟັງແລ້ວບອກວ່າຢູ່ພີ້ຍັງ 256 ຄືເກົ່າ , 131 ຕອບກັບ ຊັ້ນນ້ອງຈະພົວພັນຝ່າຍເຕັກນິກໃຫ້ເດີ້

- 2:00 PM ລອງຕໍ່ເນັດໃຫມ່ ກໍຍັງ 256 -*- ຂ້ອຍຈະອອກໄປສູນມັນກ່ອນ ມັນຈະວ່າແນວໃດ ໄປກ່ອນໆໆໆ

(to be continued)

- P